بسم الله .. على بركة الله نبدأ ^_^

كنت اسوي search كالعاده عن طريقة اكله .. ومن المواقع اللي كانت موجوده ولفتت انتباهي مدونه متخصصه في الطبخ .. تميت اتصفحها فترات طويله كم يوم .. عجبني شكلها .. عجبتني طريقة العرض .. وقلت ليش انا بعد ماسوي لي مدونه؟ فكرت في الموضوع ايام .. وحطيت كذا اسم .. وفي الاخير اعتمدت اسم Gourmet Apron ..

من وانا صغيره وانا احب الطبخ واحب اجرب طبخات يديده .. سواء من الكتب اوالانترنت او التلفزيون .. وساعات تفشل الاكله .. او ماتطلع نفس ماكنت متوقعتها .. مساكين .. الله يعين اللي معاي في البيت .. وبعد اذا عجبتني طريقة اكله ماستحي اسأل عن طريقتها .. هههههه ماعطل .. مافيها شي الدنيا اخذ وعطاء .. اخذ وصفه واعطي وصفه وبجذي الواحد يعلم ويتعلم ..

وفي مدونتي المتواضعه حبيت اشارككم بعض الوصفات اللي مسويتها ومن تصويري .. واتمنى انها تعجبكم .. وان شاء الله بعد بيكون فيه معلومات وخبرات مفيدة ..



وفي الاخير اتمنى اني اقدر اقدم كل اللي عندي .. واتمنى من كل اللي يدخلون مدونتي يستفيدون ولو بشي بسيط منها ..


 في امان الله