تعتبر من الحلويات الشعبية القديمه في الخليج .. وخصوصاً في الشتا ..
بالنسبه للمقادير ..
6 أكواب تمر
2 كوب زبده سايحه
3 أكواب طحين
2 ملعقطة طعام زنجبيل بودره
2 ملعقة طعام هيل مطحون
2 ملعقة طعام دراسين
مكسرات للزينه حسب الرغبه (اختياري)
- بالنسبه للبهارات بنقسمهم قسمين
- اول شي نشيل الطعام أو نواة التمر ونحط التمر في جدر وعليه الزبدة وعلى نار هاديه ونبدا نعجنه عدل بالملعقة لحد مايتجانس التمر مع الزبده .. بعدها نضيف نص كمية البهارات (ملعقة من كل نوع)
- الطحين يتحمص او يتشفشف بدون زيت أو شي على النار لحد مايصير لونه بني فاتح نرفعه من على النار ونضيف له البهارات الباقيه
- بعدها نضيف الطحين على التمر ونخلطه عدل .. هو يبي له شوية شغل وعضلات .. واخر شي تضيفون له المكسرات اذا حبيتوا والشكل النهائي بيكون جذي ..
- في هالصوره سويته بقوالب المعمول
2 التعليقات:
ماشالله عليج البثيثة شكلها روعة ..
طريقتها بسيطة و تقديمها شي الصراحة..
بس عندي سؤال.. ممكن نبدل الزبدة بأي زيت ثاني؟
مشكوورة ع الوصفة و ع الجواب مقدماً.. ^^
تسلم اخوي
بالنسبه للزبده اكيد تقدر تبدلها بزيت او مارجرين :)
إرسال تعليق