تعتبر من الاكلات السريعة اللي تعلمتها من امي واللي ماتاخذ وقت او جهد ..
المقادير:
- كيلو صدور دجاج
- 2 بصل كبير مبشور أو أكثر حسب الرغبة
- عصير ليمون أو ملح ليمون حسب الرغبه (حسب ماتحبينه انتي حامض ولا لا)
- ثلاث أرباع ملعقة صغيرة كركم
- 1 ملعقة صغيرة فلفل أسود
- فلفل حار بودره (شطه) حسب الرغبة
- على طرف الملعقة هيل (حبهان)
- على طرف الملعقة دارسين (قرفة)
- بصل مقطع مكعبات
- فلفل أخضر بارد مقطع مكعبات
الطريقة:
- في البداية نقطع الصدور مكعبات
- جدر مسطح أو صينية بغطا نحط البصل المبشور وعصير الليمون والبهارات ونخلطهم
- بعدين نحط الدياي والبصل والفلفل الأخضر
- نصب عليه شوية ماي ونخليه على النار (مغطا) لحد مايستوي (تقريباً نص ساعه)
- بعدها نرفع الغطا ونوري الفرن من فوق ونحط الدياي يتحمر
يقدم مع العيش (الرز) بالشعرية
وهني وعافيه
0 التعليقات:
إرسال تعليق